Падрабязнасці

• Як падрыхтавацца

  Праверце:

  • Ці няма мінуса на балансе
  • Ці закрытыя дагаворы з абавязацельствамі (напрыклад, вы куплялі смартфон у растэрміноўку)
  • Ці не мяняліся пашпартныя даныя (калі так, то спачатку звярніцеся да вашага ранейшага аператара і ўнясіце змены)
  • Ці прайшло 90 дзён з моманту апошняга пераносу нумара

• Ці зменіцца мой нумар пасля пераносу?

  Ваш нумар захаваецца цалкам, у тым ліку код. Вашыя блізкія, сябры або дзелавыя партнёры змогуць патэлефанаваць вам, выкарыстоўваючы кантакт, які вы ўказвалі раней.

• Як паведаміць сябрам, што яны тэлефануюць у сетку іншага аператара?

  Падчас дазвону аўтаінфарматар падкажа вашым сябрам, што вы памянялі аператара. Калі той, хто тэлефануе, вырашыць завяршыць тэлефанаванне да таго, як злучэнне будзе ўстаноўленае, то ён нічога не патраціць - час тэлефанавання да здзяйснення злучэння не тарыфікуецца.

• Ці змагу я скарыстаць абсталяванне (смартфон, планшэт), набытае ў іншага аператара?

  Так, зможаце. Выключэнне складаюць прылады, якія былі заблакіраваныя для працы ў сетцы канкрэтнага мабільнага аператара. Даведацца пра SIM-lock можна ў аператара, у якога вы набылі абсталяванне.

• Як патэлефанаваць абаненту, які перанёс нумар

  Нумар неабходна набіраць у міжнародным або міжгароднім фармаце, напрыклад, +375296хххххх або 80259хххххх. Гэта трэба таму, што адначасова могуць існаваць абаненты, нумары якіх адрозніваюцца толькі кодам. Каб хутка перавесці нумары, запісаныя ў тэлефоннай кнізе, у міжнародны фармат, уладальнікі тэлефонаў з АС Android могуць скарыстаць Канвертар тэлефонных нумароў.

• Колькі каштуе перанос нумара?

  Паслуга пераносу нумара бясплатная.

• Як даведацца, што нумар перанесены?

  SIM папярэдняга аператара перастане дзейнічаць, а на SIM ад МТС прыйдзе SMS-апавяшчэнне.

• Што рабіць, калі прыйшла адмова ў пераносе нумара?

  Калі вам адмоўлена ў пераносе нумара, вам трэба звярнуцца да дзеючага аператара, каб удакладніць прычыны.

  Калі даныя, перададзеныя вамі ў МТС, і даныя ў вашага аператара не супадаюць, неабходна звярнуцца да вашага аператара і актуалізаваць прозвішча, нумар тэлефона, адрас рэгістрацыі, серыю, нумар і асабісты нумар пашпарта.

  Калі вам было адмоўлена ў пераносе нумара з прычыны запазычанасці на нумары, вам трэба папоўніць баланс да дадатнага (пажадана, з невялікім запасам, калі ў вас тарыфны план са штодзённым спісаннем абаненцкай платы) і зноў прыйсці ў салон МТС, каб падпісаць дагавор.

  Калі ў вас ёсць абавязацельствы перад вашым дзеючым аператарам (нявыплачаныя ўзносы па растэрміноўцы, дадатковыя пагадненні аб неабходнасці карыстання паслугамі і г.д), перанос нумара ў МТС адбудзецца толькі пасля выплаты ўзносаў па растэрміноўцы, пасля заканчэння тэрміну дадатковых пагадненняў або пасля ўрэгулявання ўсіх пытанняў па абавязацельствам з вашым дзеючым аператарам.

  Калі вы ўжо пераносілі нумар і з гэтага моманту прайшло менш за 90 дзён, вам таксама будзе адмоўлена: трэба пачакаць, калі гэты тэрмін скончыцца, і паўторна звярнуцца ў Салон МТС.