Школа лічбавай пісьменнасці для людзей старэйшага ўзросту #НавучыСваіхБлізкіх ад МТС упершыню пашырыла геаграфію на рэгіёны

МТС адкрыў новы навучальны год у бясплатнай школе #НавучыСваіхБлізкіх па лічбавай пісьменнасці для людзей старэйшага ўзросту. Упершыню заняткі выйшлі за межы сталіцы і зараз арганізаваны не толькі ў тэрытарыяльным цэнтры сацыяльнага абслугоўвання насельніцтва Мінска, але і ў Брэсце. Яшчэ адна група будзе навучацца і ў анлайн-фармаце на платформе Zoom.

Сёлета МТС не толькі пашырыў геаграфію навучання, але і абнавіў праграму: зараз яна складаецца з базавага этапу — для тых, хто толькі пачынае знаёмства з лічбавымі тэхналогіямі, і прасунутага — для тых, хто імкнецца пашырыць свае веды і навыкі.

На базавым узроўні слухачы знаёмяцца з функцыяналам смартфонаў і планшэтаў, працай у інтэрнэце, вучацца шукаць і загружаць праграмы. Таксама выкладчык распавядае, як выкарыстоўваць плацежныя сэрвісы, сацыяльныя сеткі і месенджары. Асаблівая ўвага надаецца пытанням бяспекі ў інтэрнэце: людзям старэйшага пакалення тлумачаць, на што варта звяртаць увагу, каб пазбегнуць махлярскіх дзеянняў.

На прасунутым узроўні навучання ўдзельнікі асвойваюць навыкі адпраўкі і адсочвання пасылак, а таксама працы з раскладам транспарту і аплаты праезду. Акрамя таго, яны вучацца ствараць прэзентацыі, генераваць малюнкі і пісаць тэксты пры дапамозе штучнага інтэлекту.

Усяго слухачоў, якія пройдуць навучанне ў анлайн- і афлайн-фармаце, каля ста. Навучанне ўключае 10 заняткаў, якія складаюцца з лекцый і практычных заданняў. Па завяршэнні курса ўсе ўдзельнікі, якія прайшлі тэст, атрымаюць сертыфікат ад МТС.

Наступны набор школы #НавучыСваіхБлізкіх адбудзецца ў лістападзе. Падрабязная інфармацыя будзе размешчана на сайце праекту, а таксама ў рэспубліканскіх СМІ. Зарэгістравацца на анлайн-курс можна па спасылцы.Пры рэгістрацыі неабходна выбраць узровень навучання.