МТС названы найлепшым мабільным аператарам Беларусі ў рамках штогадовай Прэміі «Народная Марка»

У Беларусі названыя пераможцы Прэміі «Народная марка». Кампанія МТС стала лепшай у намінацыі «Мабільны аператар». Пераможцаў вызначылі па выніках народнага галасавання. Урачыстая цырымонія ўзнагароджання прайшла ў Нацыянальнай бібліятэцы Беларусі.

У Прэміі «Народная марка» няма прафесійнага журы, пераможцаў выбіраюць жыхары ўсіх рэгіёнаў краіны шляхам адкрытага галасавання ў сродках масавай інфармацыі.

Кампанія МТС заняла 1-е месца ў намінацыі «Мабільны аператар» катэгорыі «Паслугі». Спажыўцы назвалі любімы брэнд, адказаўшы на пытанні анкеты: «Якую марку Вы лічыце лепшай у сваёй катэгорыі, якой аддаяце перавагу і гатовыя рэкамендаваць?».

«Для нас вялікі гонар атрымаць такую высокую адзнаку ад спажыўцоў. Мы ўдзячныя нашым кліентам за аказаны нам давер і будзем далей імкнуцца працаваць на такім жа высокім узроўні: працягнем укараняць інавацыі, паляпшаць нашы прадукты і паслугі. Таксама адзначу, што гэтая ўзнагарода - вынік стараннай працы вялікай каманды МТС», — сказаў падчас цырымоніі ўзнагароджання Мікалай Булаш, намеснік Генеральнага дырэктара МТС па камерцыйных пытаннях.

«Народная Марка» - штогадовая прэмія спажывецкага прызнання, якая вызначае брэнды-лідэры ў Беларусі па шырокім пераліку тавараў і паслуг масавага попыту шляхам галасавання спажыўцоў. Вынікі Прэміі пацвярджае Назіральны савет экспертаў маркетынгу і камунікацыі, Беларускага таварыства абароны спажыўцоў, сродкаў масавай інфармацыі, прадстаўнікоў іншых арганізацый і ведамстваў.