Каштоўнасці канструктыўных зносінаў. МТС стаў партнёрам VII Фестывалю школьнікаў і студэнтаў «Медыяцыя будучыні»
МТС прыняў удзел у VII Фестывалі школьнікаў і студэнтаў «Медыяцыя будучыні», мэта якога навучыць удзельнікаў альтэрнатыўным спосабам вырашэння канфліктаў і аднаўленчай камунікацыі.
Супрацоўнікі кампаніі расказалі пра актуальнасць тэмы кібербулінга, а таксама правілы паводзін у інтэрнэце ў рамках сумеснага праекта МТС і Дзіцячага Фонду ААН (ЮНІСЕФ) #ІнтэрнэтБезБулінга. У мерапрыемстве прынялі ўдзел каля 200 чалавек.
Сярод удзельнікаў - школьнікі, студэнты, магістранты, аспіранты, прафесарска-выкладчыцкі калектыў, практыкуючыя медыятары, а таксама прадстаўнікі дзяржаўных органаў. Для вучняў і студэнтаў вядучы спецыяліст па карпаратыўным навучанні МТС Таццяна Асінская правяла майстар-клас па прафілактыцы кібербулінга. Яна расказала, як паводзіць сябе ў выпадку агрэсіі і абараніцца ад цкавання ў Сетцы, у чым розніца паміж булінгам, тролінгам і канфліктам, а таксама падзялілася правіламі кібербяспекі. Пасля лекцыі ўдзельнікі майстар-класа атрымалі воркбук «Як абараніцца ад цкавання ў інтэрнэце і самім не стаць хейтэрамі», распрацаваны МТС і ЮНІСЕФ сумесна з псіхолагамі.
![Каштоўнасці канструктыўных зносінаў](/upload/medialibrary/381/lkd01wm08e9zewi89pprbcyf8nmb1g3p/1.webp)
![Каштоўнасці канструктыўных зносінаў](/upload/medialibrary/547/fb09okn0ltb3xfe9v3qhix9wncau068k/2.webp)
Таксама кіраўніца групы па сувязях з грамадскасцю кампаніі МТС Марыя Канасевіч прыняла ўдзел у рабоце журы творчай відэамайстэрні «Булінг: успрыманне канфлікту» і «Як распазнаць і спыніць булінг: урокі пазітыўнай камунікацыі».
«Важна праводзіць такія сустрэчы, дзе можна абмеркаваць аспекты лічбавай пісьменнасці, развіваць навыкі крытычнага мыслення, прапагандаваць каштоўнасці канструктыўных зносінаў у канфліктных сітуацыях і сумесна шукаць рашэнні, каб ствараць бяспечнае і камфортнае анлайн-асяроддзе. Бо толькі разам мы зможам зрабіць інтэрнэт лепшым і больш бяспечным для ўсіх», — адзначыла Марыя Канасевіч, кіраўніца групы па сувязях з грамадскасцю кампаніі МТС.
![Каштоўнасці канструктыўных зносінаў](/upload/medialibrary/e4b/d1jnv8ibkn9mm092nrwy5d8ohewgkyta/3.webp)
![Каштоўнасці канструктыўных зносінаў](/upload/medialibrary/4eb/a7pmsftlf1urkqfy6vwqnevvnh6ebq68/4.webp)
VII Фестываль школьнікаў і студэнтаў «Медыяцыя будучыні» прайшоў 29 і 30 красавіка ў Мінскім гарадскім адукацыйна-аздараўленчым цэнтры «Лідэр». Арганізатар мерапрыемства - Цэнтр «Медыяцыя і права», заснавальнікам якога з'яўляецца Беларускі рэспубліканскі саюз юрыстаў.