Кампанія МТС стала партнёрам Фестывалю лічбавых тэхналогій, які праходзіць з 5 па 8 чэрвеня 2024 года ў рамках юбілейнага Міжнароднага форуму па інфармацыйна-камунікацыйных тэхналогіях «ТІБО-2024». На некалькі дзён удзельнікі мерапрыемства змогуць акунуцца ў атмасферу спорту, крэатыўных ідэй і інавацыйных рашэнняў.
Фестываль лічбавых тэхналогій аб'ядноўвае рэальны і віртуальны светы. У праграме прадугледжаныя разнастайныя актыўнасці, уключаючы ІТ-пентатлон, дваябор'е па баскетболе і скейтбордынгу, фіджытал-гонкі і лёгкаатлетычны забег «Міля ТІБО». Кожнае са спаборніцтваў спалучае ў сабе элементы спорту і тэхналогій, падкрэсліваючы важнасць фізічнага і інтэлектуальнага спорту.
У сваёй дзейнасці МТС кіруецца прынцыпам сацыяльнай адказнасці, займаючы актыўную пазіцыю ў падтрымцы гуманітарных, культурных, спартыўных і іншых грамадска значных праектаў. Падтрымка фестывалю стала яшчэ адным крокам кампаніі да папулярызацыі лічбавых тэхналогій і новых адукацыйных ініцыятыў.