#НавучыСваіхБлізкіх: МТС правёў курс па digital-пісьменнасці для людзей пенсійнага ўзросту
Генераваць карцінкі і пісаць тэксты з дапамогай штучнага інтэлекту, афармляць пакупкі на маркетплейсах, адсочваць пасылкі і многае іншае - усё гэта ўжо ўмеюць выпускнікі прасунутага ўзроўню #НавучыСваіхБлізкіх. Скончылася бясплатнае навучанне лічбавай пісьменнасці людзей старэйшага ўзросту ў тэрытарыяльным цэнтры сацыяльнага абслугоўвання насельніцтва Першамайскага раёна г. Мінска.
На працягу месяца вопытны педагог дапамагаў слухачам асвойваць шырокія магчымасці мабільных прыстасаванняў і выкарыстоўваць сучасныя тэхналогіі ў паўсядзённым жыцці. Пасля праходжання курса ўсе навучэнцы атрымалі сертыфікат ад МТС.
Наступны набор слухачоў на два ўзроўні навучання: базавы і прасунуты - адбудзецца ў верасні. Падрабязная інфармацыя пра набор на навучанне будзе размешчаная на сайце праекта, а таксама ў СМІ. Базавы ўзровень падыходзіць для пачаткоўцаў, якія толькі пачынаюць асвойваць мабільныя гаджэты. Прасунуты - для тых, хто хоча ўдасканальваць свае веды.
А ў перыяд «летніх канікулаў» можна паглядзець тэматычныя відэаўрокі, якія даступныя на сайце праекта або ў асобным плэйлісце #Навучы сваіх на YouTube-канале МТС. Акрамя гэтага, на сайце праекта можна прайсці тэст, каб праверыць веды пра захаванасць персанальных даных і лічбавую гігіену.